"რუსთავი 2"-ის საქმის მხარეებმა უნაზესი სასამართლოს დიდი პალატის განჩინება დღეს ჩაიბარეს. სარეზოლუციო ნაწილი 200-მდე გვერდს მოიცავს და დოკუმენტის შინაარსობრივ ნაწილს მხარეები ახლა ეცნობიან.
დღესვე ამ საქმესთან დაკავშირებით უზენაესი სასამართლოს თავმჯდომარემ ნინო გვენეტაძემ პირველი კომენტარი გააკეთა. მისი თქმით, სასამართლო ხელისუფლება იცავს ეთიკურობის მაღალ სტანდარტს და გადაწყვეტილების სარეზოლუციო ნაწილის გამოქვეყნებამდე საკითხზე კომენტარი ამიტომ არ გაკეთდა.
„ყველა კითხვაზე პასუხი, რომელიც თქვენ გაწუხებთ ან საზოგადოებას აინტერესებს, არის გადაწყვეტილებებში და იმ განჩინებებში, რომელიც დღეს იქნება მხარეებისთვის ჩაბარებული. სასამართლო ხელისუფლება იცავს იმ მაღალ სტანდარტს, რომელიც არა მხოლოდ ეთიკური პრინციპია, არამედ საკანონმდებლო მოთხოვნაა, რომ დასაბუთებული გადაწყვეტილების გამოქვეყნებამდე არ ყოფილიყო კომენტარი გაკეთებული,“ - განაცხადა ნინო გვენეტაძემ.
