გელა ხვედელიძეს 2 გადაუდებელი ოპერაცია ჩაუტარდა, იგი ახლა ექიმების მეთვალყურეობის ქვეშ რეანიმაციულ განყოფილებაში იმყოფება. მას დაზიანებები ძირითადად სახის არეში აქვს მიღებული.
ყოფილ შინაგან საქმეთა მინისტრის მოადგილეს დღეს დაესხნენ თავს, მას საკუთარ სახლთან ორი ნიღბიანი პიროვნება დახვდა და ფიზიკურად გაუსწორდა. ოჯახი ვერ საუბრობს თავდასხმის სავარაუდო მოტივზე, თუმცა დაზარალებულის მეგობარი, ჟურნალისტი ელისო კილაძე ამ ფაქტს "სუს"-ის უფროსის მოადგილის მხრიდან შურისძიებას უკავშირებს.
