ე.წ. „ციანიდის საქმეში“ ბრალდებული დეკანოზ გიორგი მამალაძის ადვოკატი, მიხეილ რამიშვილი პროკურატურის მიერ დროის ხელოვნურად გაწელვაზე საუბრობს. მან ამის შესახებ გადაცემა „პოლიტმეტრის“ ეთერში განაცხადა. მისი თქმით, დღევანდელი სასამართლო პროცესის ნაწილობრიდ დახურვისთვის მიზეზი უსუსურია.
„რეალური მიზეზი არის ერთადერთი, დაკავებიდან დღემდე 48 დღე არის გასული და ჯერ კიდევ ვერ დაადგინეს როგორ და სად შეიძინა ციანიდი, მაგის მტკიცებულება არ არსებობს. თან ყველა მოწმე, ვინც არის დაკითხული, მიუთითებს რომ შეუძლებელია ეს არ არსებული დანაშაული ჩაედინა მამა გიორგის.“ - განაცხადა მიეხილ რამიშვილმა.
პროცესზე დღეს დაცვის მხარემ აღკვეთის ღონისძიებად გირაოს შეფარდება მოითხოვა. მათი თქმით, დეკანოზის ჯანმრთელობის მდგომარეობა რთულია და ამიტომ, მან უნდა დატოვოს საპატიმრო დაწესებულება, თუმცა მოსამართლემ ადვოკატთა მოთხოვნა არ დააკმაყოფილა.
