მდგომარეობის სიმძიმის გამო, რუსთავში მეტალურგიულ ქარხანაში აფეთქების შედეგად დაშავებული მუშები თბილისში, დამწვრობის ცენტრში გადაიყვანეს, - ამის შესახებ „ჯი-ეიჩ-ენს“ რუსთავის ცენტრალურ საავადმყოფოში განუცხადეს.
ექიმების თქმით, მათ თავდაპირველი დახმარება რუსთავის ცენტრალურ საავადმყოფოში გაეწიათ.
რუსთავში, კომპანია „ჯეოსთილის“ მეტალურგიულ ქარხანაში, ფოლადსადნობი ღუმლის აფეთქება მოხდა. დაშავებულია ორი მუშა. საქმე აღძრულია სისხლის სამართლის კოდექსის 170-ე მუხლით, რაც შრომის დაცვის წესის დარღვევას გულისხმობს.
