ქიბარ ხალვაში და პაატა სალია ევროპის ადამიანის უფლებათა სასამართლოში მივიდნენ, ამის შესახებ სტრასბურგიდან რუსთავი 2-ის კორესპოდენტი იუწყება. ხალვაში აცხადებს, რომ ის სასამართლოს საკუთარი სიმართლის დასამტკიცებლად წერილით მიმართავს.
"აქ სამართლის საძებნელად მოვედი. მინდა წერილი ჩავაბაროთ. ვთხოვოთ, რომ მესამე მხარედ ჩაგვრთონ. ჩემი პირადი უფლების, ქონებრივი და ყველაფრის უფლებების დასაცავად. აქ მეორედ ვარ მოსული. პირველად სააკაშვილის გამო, როდესაც ლტოლვილი ვიყავი და ვიდევნებოდი. დღეს მეორედ.
სტრასბურგს გადაწყვეტილება არ მიუღია, მხოლოდ შეაჩერეს და ამას არავითარ შეთხვევაში არ ვაკრიტიკებ. რაც აქამდე გაუკეთებია იმას გააკეთებს სტრასბურგი. აქ არ ადგენენ გამარჯვებულს და დამარცხებულს.
"რუსთავი 2"-სა და სახელმწიფოს შორის არის დავა, ამ გადაწყვეტილებამ შეიძლება ჩემი პირადი უფლება დააზიანოს. ჩემი უფლებების დასაცავად მოვედი", - განაცხადა ქიბარ ხალვაშმა "რუსთავი 2"-თან.
