ადამიანის უფლებათა და თავისუფლებათა ევროპულმა სასამართლომ, საქართველოს უზენაესი სასამართლოს 2 მარტის გადაწყვეტილების აღსრულება "რუსთავი 2"-ის საქმეზე 8 მარტამდე შეაჩერა, - ამის შესახებ ტელეკომპანია "რუსთავი 2"-ის გენერალურმა დირექტორმა ნიკა გავრამიამ ჟურნალისტებთან საგანგებო ბრიფინგზე განაცხადა.
"ჩვენ ვხედავთ რომ პოლიტიკურად სტერილურად ეს პროცესები ვეღარ განვითარდება, ამიტომ სრულ ულფებამოსილიებას ვანიჭებთ პოლიტიკურ ძალებს მიიღონ მონაწილეობა ჩვენს აქციებში. მიმართონ საკუთარ ამომრჩეველს და მოსახლეობას, მოთხოვონ ის პოლიტიკური ცვლილებები ქვყანაში, რომელიც უზრუნველყოფს თავისუფალი მედიის მდგრადობას, სასამართლოს ხელისუფლების დამოუკიდებლობას და დემოკრატიის განვითარებას და არ გადაუხვიოს ევროატლანტიკური ინტეგრაციის გზებიდან.
ჩვენ შეშფოთებას გამოვთქვამთ ყველა იმ განცხადებასთან დაკავშირებით, რომელიც ამ დღეებში გამოითქვა ვიზალიბერალიზაციის პროცესის უკან შექცევასთან დაკავშირებით. ჩვენ ვფიქრობთ, რომ საქართველოს მოსახლეობა ნამდვილად იმსახურებს ვიზალიბერალიზაციას, მაგრამ ასევე ვაცნობიერებთ რომ ევროპელი პოლიტიკოსების თუ მოხელეების მხრიდან სკეპტიციზი და უკან წაღების მოთხოვნები გამოწვეულია არა მათი დამოკიდებულით ქართველი ხალხისადმი, არამედ მათი დამოკიდებულებით ქვეყანაში შექმნილი უმძიმესი მდგომარეობისადმი და საქართველოს ხელისუფლების ქმედებისადმი.
ჩვენ ასევე ეჭვს გამოვთქვამთ, რომ საქართველოს ხელისუფლების და მათ შორის ბიძინა ივანიშვილის, როგორც არაფორმალური მმართველის ინტერესი იყოს საქართველოს გაყვანა არა კანონიერი სივრციდან, არამედ ევროპის ინტეგრაციული პროცესებიდან. ამიტომ, ყველას მოვუწოდებ, დავაბრუნოთ ქვეყანა ევროინტეგრაციის გზაზე და ასევე კანონიერების გზაზე. ამისთვის საჭიროა სამართლებრივი მექანიზმების ამოქმედება, ეს პირველ რიგში სასამართლოს ეხება.
"რუსთავი 2"-მა ყველაფერი გააკეთა მიუხედავად იმისა, რომ მასზე განხორციელდა უპრეცედენტო ძალადობა, ისევ ჩვენი ინიციტივით ყველაფერი გავაკეთეთ, რომ ქვეყანაში ამ ტიპის კრიზისი არ შევქმათ და მივცეთ მთავრობას შესაძლებლობა სახის დაკარვის გარეშე, მინიმალური ზიანით გამოვიდეს ამ კრიზისიდან. ჩვენ კიდევ ერთხელ ვახსენებთ ყველას, ძალაში ვტოვებთ ჩვენ შეთავაზებას ჩვენი არხის კოლექტივისთვის გადაცემის შესახებ.
ეს იქნება ამ პროცესიდან მინიმალური დანაკარგებით გამოსვლის შესაძლებლობა, როგორც ჩვენთვის ასევე ხელისუფლებისთვის და რაც მთავარია ქვეყნისთვის.
დოკუმენტში წერია, რომ 8 მარტამდე, ვიდრე გაერკვევა სტრასბურგის სასამართლო შეჩერებულია უზენაესი სასამართლოს გადაწყვეტილების აღსრულება. შემდეგში განმარტებები გაკეთდება მოგვიანებით", - განაცხადა ნიკა გვარამიამ. .
