დაკავებული დეკანოზ გიორგი მამალაძის ადვოკატები საპატრიარქოში წმინდა სინოდის წევრებს შეხვდებიან. ბრალდებულის ადვოკატმა განაცხადა, რომ მზად არიან ყველა დასმულ კითხვას გასცენ პასუხი.
„ყველა დასმულ კითხვაზე გავცემთ პასუხს, თუმცა რა საკითხზე იქნება კონკრეტულად საუბარი ეს ჯერ არ ვიცით “, - განაცხადა მიხეილ რამიშვილმა მისი დაცვის ქვეშ მყოფთან შეხვედის შემდეგ.
ადვოკატებს საპატრიარქოში ამ წუთებში ელოდებიან.
ცოტა ხნის წინ პატრიარქის მდივანმა მიქაელ ბოტკოველმა განაცხადა, რომ ადვოკატებს სინოდის წევრი მეუფეები შეხვდებიან და ამ შეხვედრას პატრიარქი არ დაესწრება.
