"ცენტრპოინტის" საქმეზე მაია და გურამ რჩეულიშვილების აღკვეთის ღონისძიების გადასინჯვის პროცესი მიმდინარეობს.
პროკურატურა ბრალდებულების პატიმრობაში დატოვებას ითხოვს. პროკურორი დავით გუმბერიძე მაია რჩეულიშვილის ახალი ბრალის დადგენილების საქმეში დართვას ითხოვს.
"ახალი დანაშაული მაია რჩეულიშვილმა მაშინ ჩაიდინა, როდესაც მას აღკვეთის სახით გირაო ჰქონდა შეფარდებული, არსებობს მიმალვის საფრთხე და ამიტომ პატიმრობა უნდა დარჩეს ძალაში", - აცხადებს დავით გუმბერიძე.
რჩეულიშვილების ადვოკატები პატიმრობის 50.000 ლარიანი გირაოთი ჩანაცვლებას ითხოვენ. უფლებადამცველმა განაცხადა, რომ მაია რჩეულიშვილის ჯანმრთელობის მდგომარეობა მძიმეა და შესაბამისი დოკუმენტაცია წარმოადგინა.
გურამ რჩეულიშვილმა მოსამართლეს აღკვეთის სახით პატიმრობის ჩანაცვლება 150.000 ლარიანი გირაოთი სთხოვა.
"გთხოვთ, მალე მამა გავხდები, ჩემი მეუღლე არის ორსულად და ამ შემთხვევაში მე ვჭირდები მას და ჩემს შვილს", - განაცხადა გურამ რჩეულიშვილმა.
