თბილისის საქალაქო სასამართლოს ყოფილი თავმჯდომარე, მამუკა ახლედიანი იმ ადამიანების წინააღმდეგ, რომლებიც მას ბრალდებებს უყენებენ, სასამართლოში სარჩელის შეტანას გეგმავს. საუბარია იუსტიციის მინისტრსა და საპარლამენტო უმრავლესობის წარმომადგენლებზე.
მამუკა ახვლედიანის თქმით, საჯარო პროცესზე ის დაამტკიცებს, რომ ქონება, რომელზეც მის მიმართ ბრალდებები ისმის, საბანკო სესხით აქვს შეძენილი. ახვლედიანი საჯაროდ ბოდიშის მოხდას და თითოეული ადამიანისგან 100 ათას ლარიანი კომპენსაციის გადახდას მოითხოვს, რომელიც მისი თქმით, იურიდიული ფაკულტეტის სტუდენტებს ჩაერიცხებათ.
„ისინი იძახიან, რომ ძალიან წარმატებული იურისტები იყვნენ, თუმცა მართლა არავის უნახავს მათი იურისტობა. შევიტანო ეს სარჩელები და ეს თანხები მთლიანად გადაერიცხოს იურიდიულ ფაკულტეტს, რომ მსგავსი იურისტები ამ ქვეყანაში მეორედ აღარ გაიზარდონ,“ - აცხადებს ,,რუსთავი2“- თან საუბარში მამუკა ახვლედიანი.
