მოსამართლეებზე სავარაუდო ზეწოლის საქმის გამო, იუსტიციის უმაღლესი საბჭოს წევრებს ნინო გვენეტაძესთან კითხვები აქვთ. საკითხს ისინი დღევანდელ შეხვედრაზე დასვამენ.
„საბჭოს არც ერთმა მოსამართლე წევრმა არ იცოდა და არ იყო ინფორმირებული ამ ფაქტის შესახებ. როგორც ინფორმაციიდან იკვეთება, აქ საუბარია არა მხოლოდ მარტივ კომუნიკაციაზე მოსამართლესთან, არამედ მოსამართლეზე ზეწოლაზე, რაც სისხლის სამართლის დანაშაულია. უბრალოდ ამდენი წლის მანძილზე მსგავს ფაქტს ადგილი არ ჰქონია და ამიტომ სასურველი იყო, ჩვენც გვცოდნოდა ამის შესახებ და საბჭოც მიიღებდა სათანადო ღონისძიებებს“, - განაცხადა თამარ ალანიამ.
იუსტიციის უმაღლესი საბჭოს წევრის თქმით, ეს საკითხი დღევანდელი სხდომის დღის წესრიგით გათვალისწინებული არ არის, თუმცა საბჭოს წევრებს ამ საკითხთან დაკავშირებით თავმჯდომარესთან კითხვები ექნებათ.
