სახალხო დამცველი უჩა ნანუაშვილი დღეს, ე.წ. კორტების სპეცოპერაციის საქმეზე ბრალდებულებს მოინახულებს. მისი თქმით, აღნიშნულ საქმეში გარკვეული ხარვეზებია.
,,ჩვენი წარმომადგენლები მათთან გუშინაც იმყოფებოდნენ. ჩვენ ვსწავლობთ მათ საქმეებს. არის გარკვეული ხარვეზები ამ საქმეებშიც. რა თქმა უნდა, ჩართული ვართ და მაქსიმალურად ვცდილობთ მეტი ინფორმაცია გვქონდეს" , - განაცხადა უჩა ნანუაშვილმა.
ე.წ. კორტების სპეცოპერაციის საქმეზე მსჯავრდებულები - ირაკლი ფირცხალავა და გიორგი ცააძე რამდენიმე დღეა შიმშილობენ. ისინი ნომერ მე-9 პენიტენციური დაწესებულებისგან იმ ცნობის გაცემას ითხოვენ, რომლითაც დასტურდება, რომ ე.წ. კორტების სპეცოპერაციის მთავარი მოწმეები, 7 სპეცრაზმელი, რომლებიც ასევე იყვნენ ბრალდებულები, ჩვენების მიცემამდე ერთ საკანში იმყოფებოდნენ და ჩვენებების შეთანხმება შეეძლოთ.
