NDI კვლევის მეორე, პოლიტიკურ ნაწილს აქვეყნებს, რომელშიც საპარლამენტო არჩევნებსა და წინასაარჩევნო პერიოდზე, ასევე პოლიტიკური პარტიების მიმართ საზოგადოების განწყობაზეა საუბარი.
NDI -ის კვლევის მიხედვით, კითხვაზე "რომელი პარტიაა თქვენს შეხედულებებთან ახლოს"- 40%-მა ქართული ოცნება, 10%-მა ნაციონალური მოძრაობა, ხოლო 3-3%-მა პატრიოტთა ალიანსი და თავისუფალი დემოკრატები დაასახელა.
კითხვაზე "2012 წლის მოწვევის პარლამენტთან შედარებით, როგორ იმუშავებს ახალი მოწვევის პარლამენტი," გამოკითხულთა 42% მიიჩნევს, რომ უკეთესად, 30% თვლის რომ იგივენაირად, 8% კი თვლის, რომ 2016 წლის მოწვევის პარლამენტი უარესად იმუშავებს.
შეგახსენებთ, რომ კვლევის საველე სამუშაოები ჩატარდა 4 ნოემბერი - 4 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 3 ათას 141 პირისპირ ინტერვიუს წარმომადგენლობითი შერჩევის საფუძველზე. კვლევის შედეგების ცდომილება 1.8 %-ია.
