ინტენსიურად თოვს მაღალმთიან აჭარაში, სოფლებში თოვლის საფარი სამ მეტრის აღწევს. შეზღუდვებია ტრანსპორტის გადაადგილებისა და ელექტროენერგიის მიწოდების კუთხით.ხულოში 1000-მდე აბონენტია გათიშული. ძირითადად, ელექტროენერგია არ მიეწოდება მაღალი ზონების სოფლებს.
დაზიანებულია ელექტროხაზები, რომელთა აღდგენაზე მუშაობა მიმდინარეობს, თუმცა რაიონის გამგებლის ინფორმაციით, სირთულეებია გადაადგილებასთან დაკავშირებით.
ამასთან, შიდა სასოფლო გზები ჩაკეტილია. გამგებლის ინფირმაციით, საგანგებო შტაბში მხოლოდ ერთი განცხადებაა შესული, ჯახმა საავადმყოფოში 6 წლის ბავშვის გადაყვანაში დახმარება ითხოვა. ბავშვის ცენტრალურ კლინიკამდე გადასაყვანად ტრანსპორტი უკვე გასულია.