„ცენტრ პოინტ აჭარას” ყოფილმა დირექტორმა ირაკლი მინდელმა მისთვის წაყენებული ბრალი აღიარა.ბრალდებულმა დღევანდელ სასამართლო პროცესზე დაკითხვისას განაცხადა, რომ არ ადასტურებს მენაშენეთა კუთვნილი თანხების მითვისებასა და გაფლანგვას, თუმცა ამის მიუხედავად, თავს დამნაშავედ ცნობს.
მინდელი სასამართლოში დაკითხვამდე დუმილის უფლებას იყენებდა. მას სახელმწიფო ბრალდება „ცენტრ პოინტის“ სამეთვალყურეო საბჭოს თავმჯდომარე გურამ რჩეულიშვილთან ერთად, მენაშენეთა კუთვნილი, მილიონ ლარზე მეტის მითვისებასა და გაფლანგვას ედავება.
რჩეულიშვილების ადვოკატებისთვის გაუგებარია, რა ბრალს აღიარებს მინდელი.
