”კრწანისის” სამხედრო ბაზაზე გარდაცვლილი გიგა შენგელიას მამა სამხედრო პოლიციაში 3 საათი იმყოფებოდა. რომან შენგელია გამოძიებას ენდობა. მისი განცხადებით, გამოძიება ძირითადად მისი მეორე შვილის ადგილ-სამყოფელით არის დაინტერესებული. შენგელია ამბობს, რომ მან გამოძიებას მიაწოდა ინფორმაცია ორ გაქცეულ პირთან დაკავშირებითაც, თუმცა, ჟურნალისტებთან კონკრეტიკისგან თავი შეიკავა. კითხვაზე, ჩაატარებს თუ არა ოჯახი დამოუკიდებელ ექსპერტიზას, გარდაცვლილის მამა აცხადებს, რომ ის გამოძიების დასრულებას დაელოდება.
