საქართველოს თავდაცვის მინისტრ ლევან იზორიას განცხადებით, გივი თარგამაძის მანქანის აფეთქების ფაქტზე, საზოგადოება ახლო მომავალში უფრო მეტ ინფორმაციას მიიღებს.
"ბოლო დღეების განმავლობაში სამართალდამცავი ორგანოები ინტენსიურად მუშაობდნენ, თქვენ იხილეთ კონკრეტული მტკიცებულებები, რომელიც ცხადყოფს კონკრეტული პიროვნების ბრალეულობას და სავარაუდოდ, სწორედ ის არის მონაწილე ამ დანაშაულში. ბუნებრივია, გამოძიება გაგრძელდება. ახლა მიმდინარეობს ინტენსიური ღონისძიებები მისი დაკავებისთვის, მიმდინარეობს ასევე ძებნის ოპერაცია, ასე, რომ საზოგადოება უფრო მეტ ინფორმაციას მიიღებს ახლო მომავალში", - აღნიშნა ლევან იზორიამ.
