სახელმწიფო უსაფრთხოების სამსახურში მყოფი ,,თავისუფალი ზონის“ 2 წარმომადგენლის, მარიამ ბაშარულისა და ვაჟა მორგოშიას, ადვოკატები გია გოროზია და ირაკლი ზაქარეიშვილი აცხადებენ ,რომ ეს არის პოლიტიკური დევნის ნაწილი.
“ჩემი დაცვის ქვეშ მყოფი იძულების წესით მოიყვანა სუს-ის შენობაში. როგორც ამბობენ არის ამაზე ჩემზე განჩინებაო თუმცა მე მიაჩნია, რომ ეს არის პოლიტიკური დევნის ნაწილი და ამას აკეთებენ წინასაარჩევნოდ რათა ხელი შეეშალოთ თავიანთ საქმიანობაში,“ - აღნიშნა ადვოკატმა ზაქარეიშვილმა.
,,თავისუფალი ზონის“ წევრები დაკითხვაზე 315-ე მუხლთან დაკავშირებით იმყოფებიან, რაც სახელმწიფო გადატრიალების მცდელობას გულისხმობს. ადვკატ გოროზიას განცხადებით, კითხვები ამ ეტაპზე მხოლოდ ორგანიზაციის ირგვლივ დაისვა.
“რამდენადაც ჩემთვის არის ცნობილი სწორედ იმ ჩანაწერებს ეხება, რომელიც გავრცელდა ტელეკომპანიებით. უშუალოდ გადატრიალებასთან დაკავშირებით ჩემი იქ ყოფნის პერიოდში არ ყოფილა, მსგავსი კითხვა გამომძიებელს არ დაუსვია, შესაძლებელია ეს კითხვა დაისვას, ვინაიდან ზოგადად მუხლი, რომელიც მითითებული იყო უწყებაში, ითხოვს სწორედ ამ კითხვის დასმას,“ - განაცხადა ადვოკატმა გია გოროზიამ.
