„ნაციონალური მოძრაობის“ წევრის, ჩიორა თაქთაქიშვილის მეუღლე ილია ნიკოლაიშვილი სახელმწიფო უსაფრთხოების სამსახურში დაკითხვაზე გამოცხადდა. მისი თქმით, იმ ფეისბუქგვერდის გამო დაიბარეს დაკითხვაზე, რომელიც მეგობრებთან ერთად შექმნა.
ნიკოლაიშვილის მტკიცებით, „საქართველოს ერთგულების სახელით“ არავითარი ორგანიზაცია არაა და მხოლოდ ფეისბუქგვერდია,
”საქართველოს ერთგულების სახელით“ ასეთი ფეისბუქგვერდი მეგობრებმა შევქმენით. ეს არაა რაიმე ორგანიზაცია და არც არაფერი. ამ გვერდის საშუალებით ვცდილობთ ისეთი პრობლემების აქტუალიზაციას, როგორიცაა დეოკუპაცია, ევროინტეგრაცია და ა.შ. არასდროს არ ვყოფილვარ პოლიტიკაში და არც საჯარო სამსახურში არ მიმუშავია. ერთადერთი ჩემი მეუღლეა პარლამენტის წევრი და სავარაუდოდ, მასზე ფსიქოლოგიური ზეწოლის მოხდენის მიზნით დამიბარეს დაკითხვაზე”, - განაცხადა ილია ნიკოლაიშვილმა.
მისივე თქმით, სახელმწიფო უსაფრთხოების სამსახურში ის მასხარის ქუდით მოვიდა, ვინაიდან ყოფილმა პრემიერ-მინისტრმა ბიძინა ივანიშვილმა ეს ქვეყანა და უსაფრთხოების სამსახურები ცირკს დაამსგავსა.
