ექსერტ-კრიმინალისტმა, ზაზა ალთუნაშვილმა გივი თარგამაძის მანქანის აფეთქებასთან დავაკშირებით დღეს პრესკონფერენცია გამართა და აღნიშნა, რომ აფეთქება ყველასათვის ხელმისაწვდომი ნივთიერებით მოხდა.
მისი თქმით, სავარაუდოდ, არ იყო დაგეგმილი დიდი მსხვერპლი, რადგან დახურულ სივრცეში მსხვერპლი გარდაუვალი იქნებოდა.
“სათვალთვალო კამერების ჩანაწერების და აფეთქების ტრაექტორიის მიხედვით, შეიძლება ვივარაუდოთ, რომ აფეთქების დროს გამოყენებული იყო ისეთი მასალა, რომელსაც სამხედრო დანიშნულების და საბრძოლო მოქმედებებების დროს იყენებენ, თუმცა მისი სისრულეში მოყვანა შეუძლებელია, ე.წ. ტროტილის გარეშე, ეს ტროტილი კი ყველასთვის ხელმისაწვდომია. გამოიყენება სამრეწველო დანიშნულებისთვისაც. გაიჟღერა, რომ დისტანციური მართვის მოწყობილობიდან მოხდა აფეთქება, თუმცა ამას ძიება დაადგენს და ამას სჭირდება მტიკიცებულებები. სავარაუდოდ, არ იყო დაგეგმილი დიდი მსხვერპლი, რადგან დახურულ სივრცეში მსხვერპლი გარდაუვალი იქნებოდა“, - განაცხადა ზაზა ალთუნაშვილმა.
მისივე თქმით, დაახლოებით საუბარია 100-150 გრამის ოდენობის ტროტილზე.
"დაზიანებების გათვალისწინებით, გამოყენებული იყო ის მასა, რომელიც შესაძლებელს გახდიდა ის შედეგი დამდგარიყო, რაც დადგა, ამიტომ ამის დადგენა, რა მოცულობის ნივთიერება იქნა გამოყენებული, ცოტა რთულია. დაახლოებით საუბარია 100-150 გრამის ოდენობის ტროტილზე“, - განაცხადა ზაზა ალთუნაშვილმა.
ექსპერტი დაუშვებლად მიიჩნევს, რომ მომხდარი გივი თარგამაძეს სცოდნოდა, რადგან მისივე განმარტებით, ამ შემთხვევაში თარგამაძე დაზღვეული არ იყო.
