აშშ-ის ქალაქ ლას-ვეგასში 25 სექტემბერს მოკლული მამაკაცი საქართველოს შეიარაღებული ძალების ყოფილი სამხედრო 41 წლის ალექსანდრე ხუციშვილი აღმოჩნდა. ხუციშვილი კაფე "სტარბაქსში" სროლის დროს მოკლეს. ინფორმაციას ამის შესახებ სააგენტო Associated Press მოკლულის მეგობარზე დაყრდნობით ავრცელებს.
მკვლელობაში ეჭვმიტანილი უკვე დაკავებულია. ის 34 წლის პედრო გარსიაა. როგორც ამერიკული მედია წერს, მან ცეცხლი მას შემდეგ გახსნა, რაც თავისი საკრედიტო ბარათით კაფეს მომსხურების საფასურის გადახდა ვერ შეძლო და ხუციშვილთან შეკამათება მოუვიდა..
საქართველოში დაბადებული ალექსნდრე ხუციშვილი 2004 წლიდან აშშ-ის მოქალაქე იყო. მან საქართველო 1992 წელს დატოვა და ბოლო სამი წლის განმავლობაში ლოს-ანჯელესში ცხოვრობდა. საქართველოში ის ყოფილი პრეზიდენტის ედუარდ შევარდნაძის დაცვაში მსახურობდა.
