სამაუწყებლო კომპანია “რუსთავი 2”-ის გენერალური დირექტორი ნიკა გვარამია სატელეფონო საუბრის უკანონოდ მოპოვება – გავრცელების საქმეზე დღეს შინაგან საქმეთა სამინისტროში დაკითხვაზე დაიბარეს, – აღნიშნულ ინფორმაციას “რუსთავი2″ ავრცელებს. ის შინაგან საქმეთა სამინისტროში დღეს, დღის მეორე ნახევარში უნდა მივიდეს, თუმცა ზუსტი დრო უცნობია.
მათვე ინფორმაციით, დღესვე დაკითხვაზეა დაბარებული პოლიტიკური მოძრაობა ,,სახელმწიფო ხალხისთვის” ლიდერი პაატა ბურჭულაძე, ის ჩვენებას სამართალდამცველებს 17:00 საათზე მისცემს.
კომპიუტერულ სისტემაში უნებართვოდ შეღწევის, პირადი საუბრის უკანონდ მოპოვებისა და გავრცელების ფაქტზე გამოძიება შინაგან საქმეთა სამინისტრომ ორი დღის წინ დაიწყო.
