უსაფრთხო და თავისუფალ გარემოში 2016 წლის 8 ოქტომბრის არჩევნების ჩატარების უზრუნველყოფის მიზნით, რეგიონების პოლიციის ხელმძღვანელებმა შინაგან საქმეთა მინისტრისაგან მითითებები მიიღეს.
გიორგი მღებრიშვილმა ვიდეო - ხიდის მეშვეობით რეგიონების პოლიციის ხელმძღვანელებთან საგანგებო თათბირი გამართა.
შინაგან საქმეთა მინისტრმა უწყების თანამშრომლებს მის მიერ გამოცემული სპეციალური ბრძანება გააცნო, რომლის შესაბამისად საპოლიციო დანაყოფების ხელმძღვანელი პირებისაგან შეიქმნება პასუხისმგებელი ჯგუფები, რომლებიც არჩევნების დღეს საარჩევნო უბნის მიმდებარე ტერიტორიაზე პოლიციელთა შესაძლო გამოცხადების მიზნით, უსაფრთხოების გეგმის შემუშავებასა და არჩევნების პერიოდში გამოვლენილ სამართალდარღვევებზე დროული და ეფექტური რეაგირების ორგანიზებას.
„მთავარი ამოცანაა არჩევნები ჩატარდეს მშვიდ და უსაფრთხო გარემოში, ამისთვის შინაგან საქმეთა სამინისტრო ყველაფერს გააკეთებს. მე ხელი მოვაწერე ბრძანებას, რომელიც მოიცავს ინსტრუქციებს, თუ როგორ უნდა მოქმედებდნენ პოლიციელები არჩევნების დღეს. ამ ინსტრუქციების თანახმად ასევე ვაპირებთ პოლიცილების გადამზადებას, რათა კარგად გაიაზრონ არჩევნების დღეს მათი უფლება-მოვალეობები,“-განაცხადა გიორგი მღებრიშვილმა.
