ჰილარი კლინტონის საარჩევნო შტაბი დახმარებას ითხოვს. პრეზიდენტობის დემოკრატი კანდიდატის თანაგუნდელები აცხადებენ, რომ კლინტონს დონალდ ტრამპთან საბრძოლველად, სულ მცირე, 100 მილიონი დოლარი სჭირდება. გამოცემა „პოლიტიკოს“ ინფორმაციით, კლინტონის საარჩევნო კამპანიის მენეჯერი სპონსორებს ამ საკითხთან დაკავშირებით უკვე დაუკავშირდა. დემოკრატები მას შემდეგ გააქტიურდნენ, რაც ბოლო გამოკითხვებით კლინტონს რეიტინგში ტრამპმა გაუსწრო. დემოკრანტ კანდიდატს ელექტორატის 43 პროცენტი უჭერს მხარს, დონალდ ტრამპს კი ხმას რესპოდენტთა 45 პროცენტი აძლევს.
