დედაქალაქის მერის დავით ნარმანიას ინფორმაციით, თბილისში 2010 წელთან შედარებით, ავტომანქანების რაოდენობა გაორმაგებულია და დღეისთვის საშუალოდ 400 000 მანქანა გაადადგილდება. მერიაში გამართულ შეხვედრაზე მან საცობების განმუხტვისა და საგზაო უსაფრთხოების უზრუნველყოფის მიზნით გატარებულ ღონისძიებებზე ისაუბრა.
„თუ თბილისში 2010 წელს საშუალოდ 200 000 მანქანა გადაადგილდებოდა, 2016 წლისთვის ეს რიცხვი გაორმაგებულია და 400 000 მანქანა გადაადგილდება ყოველწიურად. შესაბამისად, მუდმივად მზარდი ავტომანქანების რაოდენობის პირობებში ძალიან ძნელია მივდიოთ ამ ყველაფერს თავიდან ბოლომდე და ქალაქში არ გვქონდეს საცობები. ყველაფრის თავი და თავი ავტომობლების მზარდი რიცხვია, რასაც მოსდევს ქალაქის ცალკეულ უბნებში საცობები. ის რეგულაციები და ინსტრუმენტები, რაც ჩვენს ხელთ არის, მაქსიმალურად უნდა გამოვიყენოთ იმისთვის, რომ რაც შეიძლება ნაკლები იყოს გადაადგილების დროს დისკომფორტი“, - განაცხადა დავით ნარმანიამ.
მისივე თქმით, სააკაძის მოედანზე შუქნიშნების ჩართვის შემდეგ აღნიშნულ ტერიტორიაზე არც ერთი ავარია არ მომხდარა.
„პირველადი დაკვირვების შედეგებიდან გამომდინარე, აქ მოძრაობა მნიშვნელოვნად გაუმჯობესდა. შუქნიშნების ჩართვის შემდეგ არც ერთი ავარია სააკაძის მოედანზე არ მომხდარა, მაშინ როცა საკმაოდ ინტენსიური იყო ავარიების რიცხვი. მას შემდეგ რაც ქალაქი სრულად დაიტვირთება ავტომანქანებით, კიდევ ერთხელ გამოიცდება ეს კვანძი და ვნახავათ მის საბოლოო შედეგს. ჩვენ ვვარაუდობთ, რომ ის იმ მიზანს მიაღწევს, რა მიზნისთვის ეს პროექტი განვახორციელეთ“, - განაცხადა დავით ნარმანიამ.
მისივე თქმით, ორ-სამ კვირაში ვაკის პარკისა და კუს ტბის დამაკავშირებელ საბაგიროს პროექტი დასრულდება და საბაგირო გაიხსნება.