ისანში სასტუმრო რიჩის კედელს სამგზავრო ავტობუსი შეეჯახა, რომელშიც 17 ადამიანი იჯდა. გავრცელებული ინფორმაციით, შემთხვევის შედეგად რამდენიმე მგზავრმა მცირე დაზიანებები მიიღო. შეჯახებისას ავტობუსმა 4 მანქანა მოიყოლა. დაშავებული მგზავრები საავადმყოფოში გადაიყვანეს.
თვითმხილველების განცხადებით, მძღოლს ჩაეძინა, თავად მძღოლი კი აცხადებს, რომ მუხრუჭი გამოვიდა მწყობრიდან.
ადგილზე მობილიზებულია საპატრულო პოლიცია, სასწრაფო დახმარებისა და სამაშველო სამსახურები.