ვაკეში „ერთიანი ნაციონალური მოძრაობის“ მაჟორიტარი დეპუტატობის კანდიდატ ელენე ხოშტარიას ინფორმაციით, წუხელ მის ოფისს თავს დაესხნენ. ხოშტარია „ფეისბუქში“ წერს, რომ გატეხილია ვიტრინა.
„ჩემ ოფისს ღამე თავს დაესხენ და ვიტრინა გატეხეს. მესმის, რომ ძალადობრივი მეთოდების გარდა ვერაფერს შვებით, ხალხს თქვენ არ უსმენთ და პრობლემებს არ უგვარებთ .. ვერც სიტუაციას აურევთ, ვერც კამპანიას აგვირევთ და თქვენი საბოლოო კრახის გარდა ვერაფერს მიაღწევთ.
არც გაბედოთ ვაკელებზე დაბრალება. 3 თვეა დავდივარ და ზუსტად ვიცი მომხრეს და ოპონენტი მოსახლეობის განწყობაც“, - წერს ელენე ხოშტარია.
