საქართველოს ყოფილმა პრემიერ-მინისტრმა, ბიძინა ივანიშვილმა დაღუპული ჯარისკაცების, იაგო შარაძისა და გიორგი ნანეტაშვილის ოჯახების წევრებს მიუსამძიმრა.
„მინდა, მივუსამძიმრო მთელ საქართველოს, თავდაცვის სამინისტროს, დაღუპულების ოჯახებს. როგორც მოგეხსენებათ, დღეს კრძალავენ ტრაგიკულად დაღუპულ სამხედროებს - იაგო შარაძეს და გიორგი ნანეტაშვილს. განსაკუთრებული თანადგომა მინდა გამოვუცხადო დაღუპულების ოჯახს“, - განაცხადა ბიძინა ივანიშვილმა GDS-ის ეთერში, გადაცემაში „შეხვედრები რეგიონულ მედიასთან“.
თავდაცვის სამინისტროს ორი ჯარისკაცი იაგო შარაძე და გიორგი ნანეტაშვილი 16 აგვისტოს გონიოში გეგმური წვრთნების დროს ზღვაში დაიკარგნენ.
ჯარისკაცების დაკრძალვის სიმბოლური ცერემონია გონიოში დღეს გაიმართება.
