თამარაშვილის ქუჩაზე ავტოსაგზაო შემთხვევის შედეგად, სამი ადამიანი დაშავდა. გავრცელებული ინფორმაციით, მათგან ერთ-ერთი ჩოგბურთელი სანდრო მეტრეველია, რომელიც ავტომანქანას მართავდა, მეტრეველის ჯანმრთელობის მდგომარეობა მძიმეა.
ავტოსაგზაო შემთხვევა თამარაშვილზე წუხელ მოხდა. გამოძიება 276–ე მუხლის პირველი ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება.