სასამართლოდან გაქცეულ ექვსჯერ ნასამართლევ პირს სამართალდამცავები ამ დრომდე ეძებენ
სასჯელაღსრულების სამინისტროს მოქალაქეებს რუსთავის საქალაქო სასამართლოდან გაქცეული პატიმრის შესახებ ინფორმაციის მიწოდებას სთხოვს. ამის შესახებ სასჯელარსრულების სამინისტრომ განცხადება გუშინ გაავრცელა.
სასჯელაღსრულებისა და პრობაციის სამინისტრო მოუწოდებს მოქალაქეებს, ვისაც რაიმე სახის ინფორმაცია ფოტოზე აღბეჭდილი პირის - ოთარ ბადრის ძე ვარამაშვილის სავარაუდო ადგილსამყოფელის შესახებ, დაგვიკავშირდნენ სატელეფონო ნომრებზე - 032 2 75 23 85, 577 28 25 19.
ერთ-ერთი ვერსიით იგი საპირფარეშოს ფანჯრიდან გაიქცა და გარეთ მას მანქანა ელოდებოდა. მეორე ვერსიით კი, რომელსაც სასჯელარსრულების სამინისტროშიც ადასტურებენ, ვარამაშვილმა სასწრაფო-სამედიცინო დახმარება გამოიძახა და გაქცევაც სწორედ ამის შემდეგ შეძლო.
სამართალდამცველებმა სასამართლოს მიმდებარედ საცხოვრებელი სახლები, სარდაფები და სხვენები გაჩხრიკეს. წარსულში ნასამართლევი ვარამაშვილი 6 სხვადასხვა დანაშაულში, ქურდობასა და ყაჩაღობაშია ბრალდებული.
