აჭარის ა.რ მთავრობის თავმჯდომარე ოჯახთან ერთად რეგიონის ერთ-ერთ უძველეს სახალხო დღესასწაულს "კოლხობა 2016"-ს დაესწრო. ტრადიციულ დღესასწაულთან დაკავშირებით ხელვაჩაურის მუნიციპალიტეტში სხვადასხვა ღონისძიება გაიმართა. გონიო-აფსაროსის ციხე-სიმაგრის ტერიტორიაზე საზეიმო კონცერტი და ხელნაკეთი ნივთების გამოფენა მოეწყო. სტუმრებს საშულება ჰქონდათ ენახათ რამდენიმე წუთით გაცოცხლებული არგონავტების მითი, დაეგემოვნებინათ ლაზური კერძები, მოესმინათ უძველესი ფოლკლორული სიმღერები. "კოლხობა 2016"-ში ადგილობრივ ანსამბლებთან ერთად მონაწილეობას ღებულობდა სენაკის, ჩხოროწყუს და აბაშის მუნიციპალიტეტის შემოქმედებითი ჯგუფები.
მთავრობის თავმჯდომარემ ზურაბ პატარაძემ დღესასწაული მიულოცა გონიოს ციხეში შეკრებილ საზოგადოებას, დღესასწულის მონაწილეებს, ძირძველი კუთხის წარმომადგენელ ლაზებს.
აღსანიშნავია, რომ ეს დღესასწაული 1979 წლიდან აღინიშნება. კოლხობამ გააცოცხლა ლაზთა წარსული ყოფაცხოვრება, განსაკუთრებით კი კოლხეთისა და ძველი საბერძნეთის დამაკავშირებელი მითი არგონავტების კოლხეთში მოგზაურობის შესახებ. "კოლხობაზე" თეატრალურ სანახაობებს ერთვის სხვადასხვა ღონისძიებები და იგი რეგიონში ერთ-ერთი გამორჩეული სახალხო დღესასწაულია