გარემოს ეროვნული სააგენტო საქართველოში 29 აგვისტოდან 4 სექტემბრის ჩათვლით მოსალოდნელი ამინდის შესახებ ინფორმაციას ავრცელებს.
კერძოდ, 29-30 აგვისტოს ქვეყნის ტერიტორიის უმეტეს ნაწილზე შენარჩუნებული იქნება ცხელი და უმეტესად უნალექო ამინდი. ჰაერის ტემპერატურა +31, +36° იქნება.
31 აგვისტოს–4 სექტემბერს საქართველოში მოსალოდნელია დროგამოშვებით ხანმოკლე წვიმა და ელჭექი.
1-ელი სექტემბრიდან შედარებით აგრილდება. ჰაერის ტემპერატურა დასავლეთ საქართველოში +23, +28, აღმოსავლეთ საქართველოში +27, +32° იქნება. 1 სექტემბერს ზოგან იქროლებს დასავლეთის ძლიერი ქარი.