თითქმის 2 კვირაა გონიოში დაკარგული კურსანტების ძებნა უშედეგოდ მიმდინარეობს.
გეგმიური სწავლების დროს დაკარგული სპეციალური ოპერაციების ძალების 2 სამხედრო მოსამსახურის, კაპრალ იაგო შარაძის და I კლასის რიგითის გიორგი ნანეტაშვილის პოვნა, მცდელობის მიუხედავად, ვერ ხერხდება.
სამძებრო ღონისძიებაში ჩართულია საზღვაო და საჰაერო ტრანსპორტი - ასევე შსს-ს სასაზღვრო დეპარტამენტის შესაბამისი დანაყოფები.
ორი ახალგაზრდა გონიოში 16 აგვისტოს დაიკარგა. მომხდართან დაკავშირებით მიმდინარეობს გამოძიება.
