აჭარის მთავრობის თავმჯდომარე ზურაბ პატარაძე გონიოელებს გონიოს ტერიტორიაზევე შეხვდა. ზურაბ პატარაძისთვის რეგიონში წლების განმავლობაში პრობლემურ თემად ქცეული გონიოს მიწების დაკანონების საკითხი ცნობილი და აქტუალური პირველივე დღეებიდანვე იყო.
მთავრობის თავმჯდომარემ გონიოელებთან შეხვედრა რეგიონის სათავეში მოსვლიდან სულ მოკლე დროში გამართა. პირველივე შეხვედრაზე ზურაბ პატარაძე გონიოელებს ადგილზე მისვლას და სიტუაციის კიდევ უფრო დეტალურად გაცნობას დაჰპირდა.
დღეს, გონიოში, სადაო მიწების ტერიტორიაზე მთავრობის თავმჯდომარე კიდევ ერთხელ გაეცნო არსებულ მდგომარეობას და პრობლემის მოგვარების შესაძლებლობებს.
