გარემოსდაცვითი ზედამხედველობის დეპარტამენტის კახეთის სამმართველოს სწრაფი რეაგირების განყოფილების თანამშრომლებმა ხე-ტყის უკანონო ტრანსპორტირების 3 ფაქტი გამოავლინეს.
ლაგოდეხის და საგარეჯოს მუნიციპალიტეტებში მოქალაქეებს ყოველგვარი დოკუმენტაციის გარეშე გადაჰქონდათ წიფლის და რცხილის სახეობის მეორე ხარისხის ხე-ტყე.
შედგა ადმინისტრაციული სამართალდარღვევის ოქმები. მასალები შემდგომი რეაგირებისათვის გადაეგზავნება შესაბამის რაიონულ სასამართლოს.
