თბილისის საკრებულოს წევრი, ალეკო ელისაშვილი, ამბობს, რომ შესაძლოა, დედაქალაქში მოჭრილი ხეების საქმის გადაკვალიფიცირება მოხდეს და გამოძიება სხვა მუხლით გაგრძელდეს.
ელისაშვილი "რუსთავი 2"-თან საუბრისას განმარტავს, რომ საქმეზე გამოძიება გულგრილობრის მუხლით უნდა მიმდინარეობდეს.
"გულგრილობის მუხლით უნდა აღიძრას საქმე. ერთმნიშვნელოვნად სახეზეა გამწვანების სამსახურის ხელმძღვანელის და ზედამხედველობის სამსახურის გულგრილობა იმიტომ, რომ ერთის ვალდებული იყო, ეს ავაზაკური და მცდარი დასკვნა, რომ, თითქოს, იქ გადამხმარი იყო ყველაფერი, ადგილზე გადაემოწმებინა. ზედამხედველობის სამსახური ვალდებული იყო, რომ ჭრის პროცესისთვის მიექციეთ ყურადღება. გამოძიება არ გამორიცხავს, რომ კვალიფიკაცია შეეცვალოს საქმეს. მე დამრჩა შთაბეჭდილება, რომ კვალიფიციურად მიმდინარეობს გამოძიება," - განაცხადა ალეკო ელისაშვილმა.
ელისაშვილის განცხადებას, რომ შესაძლოა, საქმის გადაკვალიფიცირება მოხდეს, პროკურატურაში არ ადასტურებენ.
