სტრასბურგის სასამართლოს გადაწყვეტილების შემდეგ ვანო მერაბიშვილის საქმეზე გამოძიება განახლდა. ამ წუთებში მთავარ პროკურატურაში დაკითხვაზე იმყოფება ლალი მაროშკინა.
სასჯელაღსრულების დეპარტამენტის უფროსის ყოფილი მრჩეველი ვანო მერაბიშვილის საკნიდან გაყვანის შესახებ გამოძიების კითხვებს პასუხობს.
"2014 წელს მე ვიყავი დეპარტამენტის თავმჯდომარის მრჩეველი, იყო რიგი დარღვევები. მაშინ პირველი ზონდერების დანიშვნაზე გავამახვილე ყურადღება. ვარაუდია იმიტომ, რომ არავის არ სჭირდებოდა ადამიანის გამოყვანა. მგონია, რომ ეს ნაციონალური მოძრაობის ფანტაზიის ნაწილია," - აცხადებს მოროშკინა.
საქმეზე გამოძიება სამსახურეობრივი უფლებამოსილების გადამეტების მუხლით მიმდინარეობს.
2014 წელს ვანო მერაბიშვილმა განაცხადა, რომ ის მთავარი პროკურორის, ოთარ ფარცხალაძის, დავალებით საკნიდან გაიყვანეს და აიძულებდნენ, ზურაბ ჟვანიასა და მიხეილ სააკაშვილის საქმეებზე მიეცა ჩვენება მესამე პრეზიდენტის წინააღმდეგ.
მერაბიშვილის განცხადებას იმავე წელს პროკურატურის მხრიდან რეაგირება არ მოჰყოლია. გამოძიება მხოლოდ მას შემდეგ განახლდა, რაც სტრასბურგის სასამართლომ საქართველოს ამ საქმეზე სრულფასოვანი გამოძიების ჩატარება დაავალა.
