გიგი უგულავას საქმის განხილვის შესაძლო გადადებას საკონსტიტუციო სასამართლოში, მისი ადვოკატი ბექა ბასილია ეხმაურება და აცხადებს, რომ თუ ამ პროცესზე მოსამართლეებმა უარი განაცხადეს ეს იქნება საბოტაჟი საქართველოს სახელმწიფოს წინააღმდეგ
„თუ ამ პროცესზე მოსამართლეებმა უარი განაცხადეს გამოცხადებაზე, ეს იქნება საბოტაჟი საქართველოს სახელმწიფოს წინააღმდეგ, დემოკრატიის წინააღმდეგ. იმედი მაქვს, რომ ეს ადამიანები თავიანთ კანონმდებლობით და კონსტიტუციით გათვალისწინებულ ვალდებულებებს კიდევ ერთხელ, ნათლად გააცნობიერებენ და ამ ანტიკონსტიტუციურ და ანტისახელმწიფოებრივ ნაბიჯს საბოლოოდ არ გადადგამენ“,-განაცხადა ბასილაიამ.
უგულავა-კაბელების გაერთიანებული სარჩელის განხილვა 12:00 საათზე იყო დანიშნული, თუმცა ამ დროისთვის საკონსტიტუციო სასამართლოში მხოლოდ 2 მოსამართლე მივიდა. 9 მოსამართლიდან სხდომის განახლებისთვის მინიმუმ 6 მოსამართლის მონაწილეობა უნდა დაფიქსირდეს.
