თბილისის საქალაქო სასამართლომ, საქართველოს ყოფილი თავდაცვის მინისტრის დავით კეზერაშვილის მიმართ აღკვეთის ღონისძიება - პატიმრობა ძალაში დატოვა.
როგორც პროცესზე საქმის მოსამართლემ განაცხადა, ორი თვის განმავლობაში ფაქტობრივი გარემოებები უცვლელია, ამიტომ პატიმრობის შეცვლის საფუძველი არ არსებობს.
დავით კეზერაშვილს აღკვეთის ღონისძიება დაუსწრებლად აქვს შეფარდებული და ძებნაში იმყოფება. მას დიდი ოდენობით თანხების გაფლანგვა ედება ბრალად.
ამასთან, პროცესი პროკურორის ცვლილების გამო, 30 სექტემბრისთვის გადაიდო. როგორც პროკურორმა მაია ჯვარშეიშვილმა განაცხადა, პროკურორი ობიექტური მიზეზის გამო შეიცვალა, თავად კი საქმის მასალებს სრულყოფილად არ იცნობს და გონივრული ვადა ითხოვა.
