საკონსტიტუციო სასამართლოს თავმჯდომარე გიორგი პაპუაშვილი არასამთავრობო ორგანიზაციების წარმომადგენლებს შეხვდა
მისი თქმით, კამპანია „ეს შენ გეხებას“ წარმომადგენლები მზად არიან თითოეულ მოსამართლეს გვერდში დაუდგნენ, დაეხმარონ როგორც სამართლებრივად, ისე საზოგადოებრივი ზეწოლის გზით.
„სამართლიანი არჩევნების“ წარმომადგენლის ნინო ლომჯარიას განცხადებით, პაპუაშვილს კონკრეტულ გახმაურებულ საქმეებზე და მოსამართლეებზე, რომლებზეც ზეწოლა განხორციელდა არ უსაუბრია, თუმცა ისაუბრა ზეწოლის და შანტაჟის მეთოდზე.
ლომჯარიას თქმით, პაპუაშვილმა განმარტა, რომ მოსამართლეებს პირადი ცხოვრების კადრებით აშანტაჟებდნენ.
“პაპუაშვილმა თქვა, მან მიმართა პროკურატურას, თუმცა რეაგირება არ ყოფილა. ასეთი ფაქტები გამოძიების გარეშე არ უნდა დარჩეს. შესაძლებელია კონკრეტულ ფაქტებზე არ საუბრობს, რადგან საქმე ეხება პირად ცხოვრებას”, - განაცხადა ლომჯარიამ.
