„პაატა ბურჭულაძე - სახელმწიფო ხალხისთვის“ 2 წევრი სამართალდამცველებმა დააკავეს. „რუსთავი 2“-ის ცნობით, შემთხვევა თბილისში, პარტიის თემქის ოფისთან მოხდა.
პარტიის წევრების მტკიცებით, სამართალდამცველები მთელი დღის განმავლობაში მათი ოფისიდან გასულ პირებს ახსნა-განმარტების გარეშე ჩხრეკდნენ.
შინაგან საქმეთა სამინისტროს ინფორმაციით, მანქანა მათ შემოწმების მიზნით გააჩერეს, რასაც მოგვიანებით დაპირისპირება და ორი პირის დაკავება მოჰყვა. გამოძიება დაკავებულებს პოლიციისთვის წინააღმდეგობის გაწევასა და წვრილმან ხულიგნობას ედავება.
