საქართველო გაეროს ევროპის ეკონომიკური კომისიის (UNECE) „გარემო ევროპისათვის“ მე-8 გარემოსდაცვით მინისტერიალს მასპინძლობს. მინისტრთა კონფერენცია „შერატონ ბათუმში“ გარემოსა და ბუნებრივი რესურსების დაცვის სამინისტროს ორგანიზებით მიმდინარეობს და 10 ივნისამდე გაგრძელდება.
კონფერენციის პირველი დღის დასასრულს, გარემოსა და ბუნებრივი რესურსების დაცვის მინისტრმა გიგლა აგულაშვილმა 56 ქვეყნის 600-მდე დელეგატისთვის მიღება ბათუმის სახელმწიფო მუსიკალურ ცენტრში გამართა. სპეციალურად სტუმრებისთვის ანსამბლ „ეროსიონის“ კონცერტი გაიმართა.
ღონისძიებას დელეგატებთან ერთად, საქართველოს მთავრობის წევრები, ბიზნეს-სქტორის და არასამთავრობო ორგანიზაციების წარმომადგენლები ესწრებოდნენ.