„რესპუბლიკურმა  პარტიამ“ კვირის ბოლომდე, შესაძლოა, კოალიცია “ქართული ოცნება“ დატოვოს.  ამასთან დაკავშირებით, არაოფიციალური ინფორმაცია მას შემდეგ გავრცელდა,რაც პარტიამ  საკითხი 26-27 მარტს პარტიამ ეროვნული კომიტეტის სხდომაზე განიხილა.  აღნიშნულთის თაობაზე საკუთარი პოზიციის გამოხატვას „რესპუბლიკლები“ კვირის ბოლომდე სპეციალური განცხადებით გაავრცელებენ, მანამდე კი, მმართველი კოალიციის შემადგენელი სუბიექტის წევრები არ აკონკრეტებენ, უკვე მიღებულია თუ არა, კონკრეტული გადაწყვეტილება, „ქართული ოცნებიდან“ გასვლის თაობაზე. მათი განმარტებით, მსჯელობაც და გადაწყვეტილბებიც საპარლამენტო არჩევნებში პარტიის მონაწილეობის საკითხს მიეძღვნა.

კოალაციის  კულუარებიდან  გამოსული ინფორმაციის თანახმად, იმის მიუხედავად, რომ კოალიიციის შიგნით „რესპუბლიკელებსა“ და“მრეწველებს“ შორის,  „რესპუბლიკელებსა“ და ე.წ.  „ქართული ოცნების“ ნაწილს შორის  დაპირისპირებას საჯაროდ აქტიური გამოხატულება არა აქვს,  სწორედ ამის გამო ხადაშელი-უსუფაშვილი-ბერძენიშვილების პარტია კოალიცის დატოვებას აპირებს.

ამ და შიდა პლიტიკის აქტუალურ თემებთან  დაკავშირებით, „ჯი-ეიჩ-ენ“ -ი პარლამენტის თავმჯდომარის მოადგილე მანანა კობახიძეს ესაუბრა:

-„რესპუბლიკელების“ მიერ კოალიციის შესაძლო დატოვების საკითხი ისევ აქტუალური გახდა. რამდენად წარმოგიდგენიათ, რომ კოლაცია „ქართული ოცნება“ მომავალ საპარლამენტო არჩევნებში ამ პარტიის გარეშე გავიდეს?

-აღნიშნულ ინფორმაციასთან დაკავშირებით, შემიძლია ვთქვა ის, რაც თავად დავით უსუფაშვილმა განაცხადა, რომ „რესპუბლიკური პარტია“ რჩება კოალიციურ რეჟიმში, აგრძელებს მუშაობას და არცერთი თანამდებობის პირი წასვლას არ გეგმავს. შესაბამისად, ამ ეტაპზე კოალიციაში შემავალ პარტიებში ცვლილებებზე საუბარი არ არის. პარლამენტის თავმჯდომარემ, როგორც თქვა, „რესპუბლიკელები“ განცხადებას გაავრცელებენ, თუ საარჩევნოდ „რესპუბლიკური პარტია“ რა ფორმატში გააგრძელებს მონაწილეობას. მათი უფლებაა, რომ თავად ისაუბრონ საკუთარი პარტიის სამომავლო გეგმებზე. მე ის ვიცი, რომ „რესპუბლიკელები“ დღეს ჩვეულებრივ კოალიციურ რეჟიმში მუშაობენ.

-პარლამენტში საგამოძიებო კომისიის შექმნი ინიციატივით გამოვიდა ოპოზიციის ნაწილი, რომელიც პირადი ცხოვრების ამსახველი ვიდეო მასალებს შეისწავლის და პროკურატურას მიმართავს. რამდენად მიზანშეწონილად მიგაჩნიათ ამ კომისიის პარლამენტში შექმნა, იმის გათვალსწინებით, რომ  არა მხოლოდ პოლიტიკურ ოპოზიციას, ამ საკითხზე  მიმდინარე საგამოძიებო მოქმედებების მიმართ უნდობლობა გააჩნია?

-ვფიქრობ, რომ პროკურატურას უნდა მივცეთ საშუალება, რათა თავისი უფლებამოსილების ფარგლებში, მაქსიმალურად და ყველა ძალოვან უწყებასთან ერთად  შეძლოს ამ ძალიან აგრესიულ გამოწვევაზე პასუხის გაცემა, ადეკვატური რეაგირება. იმედი მაქვს, რომ მათ ამ საქმის ეფექტური გამოძიებისთვის  საჭირო ყველა რესურსი, მათ შორის, დამნაშავე პირების დადგენის მიზნით, არ ამოუწურავთ. ამის პარალელურად, პარალმენტმა რამე გამოიძიოს, არ მგონია, რომ ეფექტური იყოს. ჩვენ ვერ ვიქნებით იმაზე უფრო ეფექტური, ვიდრე ძალოვანი უწყებები და პროკურატურა შეიძლება იყოს. დიახ, ხელისუფლების ინტერესში შედის, რომ არ გაჭიანურდეს აღნიშნული საქმის გამოძიება და სწრაფად გამოვლინდეს, როგორც გამავრცელებლები, ასევე თავის დროზე, ამ ბინძური დანაშაულის შემკვეთები და კადრების შემქნელები.

-ადამიანის უფლებების დაცვის კომიტეტის ინიციატივით, პარლამენტში განსახილველად მომზადდა სისხლის სამარათლის კოდექსში შესატანი ცვლილებების შესახებ კანონპროექტი, რომელიც ითვალისწინებს პირადი და ოჯახური ცხოვრების ხელყოფის ქმედებაზე პასუხისმგებლობისა და სანქციების გამკაცრებას. რამდენად ეფექტური შეიძლება იყოს ამგვარი ცვლილება?

-მნიშვნელოვანი ინიციატივაა, ვფიქრობთ, რომ ნაკლებად მძიმე დანაშაულთა კატეგორიას ეს დანაშაული არ შეიძლება განეკუთვნელბოდეს და ამიტომ მოხდა სანქცია-სასჯელის გამკაცრება, რომელიც აღნიშნული დანაშაულის ჩამდენ პირს განესაზღვრება. ვფიქრობ, რომ დროულად მომზადებული კანონპროექტია, რადგან პირადი ცხოვრება ნამდვილად უნდა იყოს ამ ქვეყანაში დაცული. დაცვის ერთერთი მექანიზმი სწორედ დანაშაულის პრევენციაა, რომელიც სასჯელის გამკაცრებით უნდა გამოხატოს. მიმაჩნია,  რომ ასეთი მიდგომა სწორია და კანონპროექტის ინიცირებაც დროულია.

-„ახალგაზრდა იურისტთა ასოციაცია“ მიიჩნევს, რომ პროკურატურის მხრიდან შესწავლის საგანი უნდა გახდეს, საიდან შეიძლება ფლობდეს ფარულ ჩანაწერებთან დაკავშირებით დამატებით ინფორმაციას უმრავლესობის ზოგიერთი დეპუტატი. იქიდან გამომდინარე, რომ განცხადებები, რომლებიც გააკეთეს „ქართული ოცნების“ წევრებმა თამაზ მეჭიაურმა, დავით ლორთქიფანიძემ და გოგი თოფაძემ, არის ცალსახად მიუღებელი და ბევრ კითხვას აჩენს, საიდან აქვთ ამ ადამიანებს დამატებითი ინფორმაცია ფარულკადრებთან და მათ შესაძლო შინაარსთან დაკავშირებით. რამდენად სამართლიანი მოთხოვნაა პარლამენტარების განცხადებების შინაარსიის გამო დაკითხვა?

-აზრის გამოხატვის გამო ადამიანის დაკითხვის მოთხოვნა, არ ვიცი რა მოსაზრებაა, თუმცა, როცა გამოძიება მიმდინარეობს, თუკი პროკურატურა დაინახავს საჭიროებას, რომ ვინმე უნდა იყოს ქვეყანაში დაკითხული, აქ დეპუტატობა, ან სხვა რაიმე თანამდებობა ნამდვილად არ არის რაიმე შემზღუდველი გარემოება. ვაცალოთ პროკურატურას გამოიძიოს საქმე, რომელიც არა მხოლოდ პოლიტიკოსებს, არამედ სრულად საზოგადოებას გვაღელვებს.

-თავად რა პოზიცია გაქვთ თამაზ მეჭიაურის განცხადების შინაარსთან დაკავშირებით, რომელიც მიიჩნევს, რომ პიროვნებები, რომელთა პირად ცხოვრებაზეც  არსებობს კომპრომატები, დაკავებული თანამდებობები უნდა დატოვონ?

-ამ პარლამენტში ყველა დეპუტატი ინდივიდუალური პასუხისმგებლობით მუშაობს. ყველა სრულწოვან ადამიანს და დეპუტატსაც შეიძლება თავისი აზრი ჰქონდეს, მაგრამ მე არ მგონია, რომ ყველამ ერთად დავიწყოთ კომენტირება ჩვენი კოლეგების გამონათქვემებზე. მე შემიძლია ჩემი აზრი გითხრათ. მიმაჩნია, რომ თანამდებობები არ უნდა დატოვონ, რადგან ფაქტიურად ეს არის შანტაჟის მომთხოვნი დამნაშავე პირების მხრიდან ფაქტიურად ძალიან მარტივად მიზნის მიღწევის შესაძლებლობა. ჩვენ უნდა დავიცვათ მსხვერპლი და დავსაჯოთ შანტაჟის განმხორციელებელი, ანუ ძალიან მძიმე დანაშაულის ჩამდენი და არა ის პირი, რომელიც შესაძლოა, ამ შანტაჟის მსხვერპლი გახდეს. ვფიქრობ, მსხვერპლი უნდა დაეხმაროს ხელისუფლებას იმაში, რომ გამოვლინდეს ამ დანაშაულის ჩამდენი პირების ვინაობა, რადგან სხვაგავრად ამ დანაშაულთან ბრძოლა რთული იქნება.

-ხელისუფლების პრესტიჟზე როგორ მოქმედებს ის ფაქტი, რომ ამდენი დრო გადის და დამნაშავე დღემდე გამოვლენილი არ არის. საზოგადოების ნაწილი ფარული კადრებით „ომს“ წინასაარცევნო კამპანიის ბინძურ ნაწილად განიხილავს, რაც მიუთითებს, რომ მისი პოზიცია არცევნების შედეგებზე მმართველი კოლაიციის სასარგებლოად არ აისახება...

-ასეთი მძიმე დანაშაულის გამოძიება, რომელიც ეხება კიბერ-დანაშაულს ფს რომლის ჩადენის ტერიტორია, სავარაუდოდ სცდება საქართველოს ტერიტორიის ფარგლებს, ვერ ვიტყვი, რომ  საგამოძიებო მოქმედებების დაწყებიდან ბევრი დრო არის გასული. გამოძიება დაწყებულია, კონკრეტული პირები კონკერტულ მტკიცებულებებთან დაკავშირებით დაკავებული არიან, აქ საუბარი არ არის გავრცელებაზე, არამედ გარკვეული ინფორმაციის შენახვაზე. ვერ გეტყვით ბრალის ფორმულირებას, მაგრამ პროკურატურა ყველაფერს გვაცნობებს. მე ვერ დაგიკონკრეტებთ ზუსტად, ამ წუთში გამოძიება რა ეტაპზეა. ფაქტია, რომ ჩვენ უნდა ვაცალოთ პროკურატურას და მას საათებს ვერ დავუთვლით. ზოგადად ვფიქრობ, რომ დეპუტატებს თმენის  საკმაოდ მაღალი ვალდებულება გვაქვს. კანონის წინაშე ჩვენ სხვა პასუხისმგებლობები გვაკისრია სხვა მოქალაქეებისა და ჟურნალსიტებისგან განსხვავებით. ყველა ჩემს კოლეგას მოვუწოდებდი, რომ ყველა საკუთარ სიტყვასა და მოქმედებაში სწორედ ეს გაიზარონ, რომ ჩვენი პასუხისმგებლობები გაცილებით მაღალია საზოგადოების წინაშე. ვფიქრობ, გარკვეული კამპანია, რომელიც  არასწორად არის დაწყებული ზოგიერთი დეპუტატის მხრიდან, სწრაფად უნდა დასრულდეს.

- რამდენად იქონიებს გავლენას საქართველოს საგარეო წარმეტებებზე “რუსთავი 2“-ის ეთერში “სახალხო პარტიის” პრეზიდენტის  სახელით გაკეთებული განცხადება, რომ “ევროპის სახალხო პარტიის” ჯგუფი, საქართველოსთვის ვიზა-ლიბერალიზაციას მხოლოდ იმ შემთხვევაში დაუჭერს მხარს, თუ საპარლამენტო არჩევნები ჩატარდება თავისუფალი და სამართლიანი გზით?  

-ამ განცხადების სულისკვეთება ძალიან ჰგავს „ერთიანი ნაციონალური მოძრაობის“ სულისკვეთებას. ვფიქრობ, რომ სწორედ ჩვენი ოპონენტების მხრიდან იქნა გარკვეული იდეა მიწოდებული თავად საპატიო პრეზიდენტის, საპატიო თავმჯდომარისადმი, რომელმაც ფაქტიურად ტექსტის წაკითვხით უპასუხა „რუსთავი 2“-ის მიერ დასმულ კითხვებს, რაც ცხადია, ეჭვებს ბადებს. მე გამოვრიცხავ, რომ „სახალხო პარტიის“ უმრავლესობა იზიარებს ამ პოზიციას და რა თქმა უნდა, გამოვრიცხავ, რომ ამ პოზიციას გაიზიარებს ევროპარლამენტი. საქართველომ ყველა დავალება შეასრულა, რაც სამოქმედო გეგმით ჰქონდა განსაზღვრული. ძალიან დადებითი შეფასებები მიიღო ქვეყანამ ევროკომისიისგან და თავად ევროპარლამენტისგან. ჩვენ ველოდებით იმას, რომ დროში არ უნდა გაჭიანურდეს გადაწყვეტილების მიღება და რაიმე გავლენა ამ ძალიან სუბიექტურმა განცხადებამ არ უნდა იქონიოს იმ პოლიტიკურ ორგანოზე, რასაც ევროპარლამენტი ჰქვია და რომლის წევრიც საერთოდ არ არის პიროვნება, რომელმაც განცახდება „რუსთავი 2“-ის ტელე-ეთერში წაიკითხა. „ნაციონალურ მოძრაობას“ მოვუწოდებდი, ასეთი ხრიკებით ნუ შეაფერხებს ქვეყნის წინსვლას და განვითარებას ევროპისკენ და უხერხულ სიტუაციაში თავს ნუ ჩაიგდებს. „ნაციონალური მოძრაობა“ თვითლუსტრაციას ახდენს ასეთი მესიჯების მიწოდებით იმ პოლიტიკურ გაერთიანებასთან, რომლის წევრიც თავად არის.

”ჯი-ეიჩ-ენი”, ესაუბრა ხათუნა ხატიაშვილი