შეწყალების კომისიის ყოფილი თავმჯდომარე პრეზიდენტს მიმართავს, დაადასტუროს ან უარყოს, წააკითხა თუ არა მას მესიჯები. ელისაშვილის განცხადებით, გიორგი მარგველაშვილისთვის ეს მესიჯები ცნობილია. იგი პროკურატურის ქმედებას პოლიტიკური თამაშის ნაწილს უწოდებს და კიდევ ერთხელ აცხადებს, რომ ტელეფონი პროკურატურაში ნივთმტკიცებად მიიტანა. ელისაშვილის განცხადებით, იმ შემთხვევაში თუ საქმეს არ გამოიძიებენ, საჯაროდ დაასახელებს იმ პიროვნებების ვინაობას, ვინც მასზე ზეწოლას ახორციელებდა.
