ალეკო ელისაშვილმა პროკურატურას მობილური ტელეფონი წარუდგინა, სადაც კონკრეტული მაღალჩინოსნების მიერ პატიმრების შეწყალების მოთხოვნით გაგზავნილი სატელეფონო შეტყობინებები ინახება. გამოძიების ინტერესებიდან გამომდინარე, შეწყალების სახელმწიფო კომისიის ყოფილი ხელმძღვანელი კონკრეტულ სახელებსა და გვარებს ჯერ არ ასახელებს. მისივე თქმით, დაცვის დანიშვნა პრეზიდენტის შემდეგ მას პროკურატურაშიც შესთავაზეს, მაგრამ საკრებულოს დეპუტატი დაცვის აყვანაზე უარს ამბობს. მთავარ პროკურატურაში ალეკო ელისაშვილი კიდევ ერთხელ გუშინ დაიკითხა.
