„ნაციონალური მოძრაობის“ დაკავებულ მხარდამჭერებს - ნიკას ნარსიას, მირიან დეისაძესა და კახაბერ გაბუნიას პარლამენტის წევრები თავდებში უდგებიან.
აღნიშნული პირების პატიმრობიდან გათავისუფლების თაობაზე მთავარი პროკურატურის მიმართ უმცრესობის მიერ მომზადებულ შუამდგომლობას ხელს უმრავლესობის წევრებიც აწერენ.
ვიცე-სპიკერ გიორგი ბარამიძის ცნობით, მიმართვას უერთდებიან - ნანა ყეინიშვილი, დარეჯან ჩხეტიანი, ფატი ხალვაში, ზვიად ძიძიგური, ნოდარ ებანოიძე, გოგი ქავთარაძე, შოთა ხაბარელი, გედევან ფოფხაძე, ეკა ბესელია, ვახტანგ ხმალაძე, პაატა კიკნაველიძე, თამარ კორძიაა, თეიმურაზ ნერგაძე, თამარ ხიდაშელი, დავით ბერძენიშვილი, ლევან ბერძენიშვილი, ფრიდონ საყვარელიძე, გიორგი კახიანი.
აღნიშნული პირების გარდა, მიმართვას ხელს „თავისუფალი დემოკრატები“ და მურმან დუმბაძეც აწერენ.
ნაციონალების მხარდამჭერები პარლამენტის შენობასთან უმრავლესობის წევრ დავით ლორთქიფანიძესთან მომხდარი დაპირისპირების გამო დააკავეს.
