გიორგი ოქროპირიძის ბრალდების საქმეზე არსებითი განხილვა გრძელდება. სასამართლო პროცესი საჯაროა, თუმცა მოსამართლის განჩინებით, შეზღუდულია ფოტო, კინო, ვიდეო გადაღება და აუდიო ჩაწერა. თბილისის საქალაქო სასამართლოში ნაფიც მსაჯულთა ახალმა შემადგენლობამ ბრალდებულ გიორგი ოქროპირიძის სისხლის სამართლის საქმის არსებითი განხილვა გუშინ დაიწყო. მას ბრალად ედება ლაშა მახარაძის განზრახ მკვლელობა დამამძიმებელ გარემოებაში, ასევე, ცეცხლსასროლი იარაღისა და საბრძოლო მასალის მართლსაწინააღმდეგო შეძენა, შენახვა და ტარება. პროცესი თბილისის საქალაქო სასამართლოში დღეს 11:00 საათზეა ჩანიშნული.
