საზოგადოება "ივერიელი" საკონსტიტუციო სასამართლოსგან "მაუწყებლის შესახებ" კანონში იმ ნორმის გაუქმებას მოითხოვს, რომელიც კრძალავს რუსული საინფორმაციო საშუალებების აკრძალვას. საზოგადოების დამუძნებელი ნიკა რურუა აცხადებს, რომ რუსული პროპაგანდისტული მანქანა სერიოზულ საფრთხეს უქმნის საზოგადოებრივ ერთიანობას,
"კანონის არსებული ნორმა, რომელიც გვიკრძალავს გავანეიტრალოთ რუსული პროპაგანდისტული საინფორმაციო გადაცემები საქართველოს ტერიტორიაზე, უნდა გაუქმდეს. "მაუწყებლის შესახებ" კანონში არის ნორმა, რომელიც კრძალავს და ტექნიკურად გვართმევს გასაჩივრების უფლებას იმისა, რაც ეთნიკურ შუღლს, ქვეყნის ტერიტორიულ მთლიანობასა და ზოგადად ქართველი მაყურებლის შეცდომაში შეყვანას ემსახურება. აქ არის საუბარი არა გასართობ და სპორტულ, არამედ რუსულ საინფორმაციო გადაცემებზე, რუსულ სახელმწიფო საინფორმაციო არხებზე, მაგალითად NTV, RTR, Russia Today და სხვა", - აღნიშნა რურუამ.
"ივერიელის" წევრები ასევე აცხადებენ, რომ თუ საკონსტიტუციო სასამართლო მათ მოთხოვნას დააკმაყოფილებს, შემდგომში შესაძლებელი იქნებასაქართველოში რუსული არხების მაუწყებლობის აკრძალვაც.
საკონსტიტუციო სასამართლოს ,,ივერიელი“ დღეს მიმართავს.
