სააპელაციო სასამართლოში უკონკურსოდან დანიშნული 7 მოსამართლე უფლებამოსილების განხორციელებას შეუდგა. უზენაესი სასამართლოს თავმჯდომარე ნინო გვენეტაძე ამ გადაწყვეტილებას არ ეთანხმება.
იუსტიციის უმაღლესი საბჭოსა და უზენაესი სასამართლოს თავმჯდომარე აცხადებს, რომ მან არ გაიზიარა კოლეგების გადაწყვეტილება სააპელაციო სასამართლოში 7 მოსამართლის უკონკურსოდ დანიშვნასთან დაკავშირებით. მიზეზად კი გვენეტაძე გაუმჭვირვალე პროცესს ასახელებს.
საბჭოს წევრებისთვის მიუღებელი აღმოჩნდა 30–მდე არასამათვრობო ორგანიზაციის ერთობლივი შენიშვნებიც. ისინი კოლეგიურ ორგანოს დაწინაურების საკითხის დაჩქარებული წესით განხილვასა და პროცესის გაუმჭვირვალობაში ადანაშაულებენ.
საბჭოს 11 წევრი ამბობს, რომ მათ კანონის შესაბამისად და სააპელაციო სასამარლოს საჭიროებებიდან გამომდინარე იმოქმედეს. განცხადების ხელმომწერებს შორის არ არის ნინო გვენეტაძე და საბჭოს კიდევ ორი წევრი.
მოსამართლეების დანიშვნასთან დაკავშირებით შეკითხვები აქვს სახალხო დამცველსაც.
