წყალმომარაგების კომპანიის ყოფილი მთავარი ბუღალტერი თამარ ფხოველიშვილი, მისი მეუღლე ზურაბ ნუცუბიძე და კომპანიის სამმართველოს უფროსი ნათია ნავროზაშვილი 2,5 მილიონი ლარის მითვისების საქმეზე, სასამართლომ დამნასავედ ცნო.
თამარ ფხოველიშვილს და მის მეუღლეს 10-10 წლით თავისუფლების აღკვეთა მიესაჯათ, ხოლო, ნათია ნავროზაშვილს 6 წელი - აქედან 2 საპატიმრო, ხოლო 4 პირობითი მიუსაჯეს.
საბოლოო სიტყვაში თამარ ფხოველიშვილმა კიდევ ერთხელ განაცხადა, რომ თაღლითური სქემის მთავარი ინიციატორი კომპანიის ყოფილი დირექტორი არჩილ ცაბუტაშვილი იყო.
მან სქემის მფარველობაში დაადანაშაულა „ქართული ოცნების“ ყოფილი გენერალური მდივანი ზვიად ჯანყარაშვილი, რომელიც პრემიერ-მინისტრის, ირაკლი ღარიბაშვილის მეუღლის ნათესავია.
დანაშაულთან დაკავშირებით აღნიშნული პირები პასუხისგებაში მიმდინარე წლის თებერვალში მისცეს.
