საქართველოს ტექნიკური უნივერსიტეტის ცენტრალური ბიბლიოთეკის დარბაზში გაიმართა სტუ-სა და შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის მიერ ერთობლივად ორგანიზებული პრეზენტაცია, რომელიც მიეძღვნა ტექნიკურ უნივერსიტეტში მომზადებულ ნაშრომს "ჰონკონგი, ჩინეთი - 1997".
პრეზენტაცია მიზნად ისახავდა საქართველოში არსებული კონფლიქტების დარეგულირებისათვის ახალი გზების ძიებას, რეალპოლიტიკის გათვალისწინებით.
პრეზენტაციას ესწრებოდნენ საქართველოს მეგობარი ქვეყნების საელჩოები, საქართველოს პარლამენტისა და მთავრობის წევრები, აფხაზეთის უმაღლესი საბჭოსა და მთავრობის წარმომადგენლები. ასევე, აღნიშნული პრობლემით დაინტერესებული მეცნიერები.